حضرت علیشیر " نوایی "
- 579 - ییللیگی
ییغله غه ی !
******
یؤقکی، یامغوردین مېنینگ حالیمغه دوران یغله‌ غه ی،
کؤرگوزور گُلگون بولوت ایستر مگر قان ییغله‌ غه ی.

انجوم اېرمسکیم، اېرور افلاک اشکی دانه‌ سی
هر تون احوالیمغه بسکیم چرخی گردان ییغله‌ غه ی.

چاک کؤنگلوم قان و داغی کؤز یاشیم دفع  اېتمه‌ دی،
لاله‌ نفعیدور نېچه‌کیم ابری نَیسان ییغله‌ غه ی.

کؤز قوروبتور اشکدین اول آی هوایي عشقیده،
بس قیلور آخر بولوت چون اولچه امکان ییغله‌ غه ی.

پرده‌  ایچره‌  ییغلب  اشکیم، وه‌ کی، پنهان قالمه‌ دی،
شمعی فانوس ایچره‌ اېلدین قیده پنهان ییغله‌ غه ی.

معتبر اېرمس اگر رزق اهلی کؤپ تؤککه‌ ی سِریشک
کیم، موث-بید آز دیرم ایستب فراوان ییغله‌ غه ی.

هجری تیغیدین نې غم هر دَم نوایي ییغلسه،
کیم‌ که بؤلدی بغری پاره - پاره‌ ، آسان ییغله‌ غه ی.

2020/02/03