|
uzbegim
ادبی فرهنگی تاریخی اجتماعی
| ||
|
ایشک وایپ ! *** بؤیینیمیزده کورینمس ارقان - بیزیوره میز بیخیر خندان ! _____ - بیرآدمنینگ ایشکی بارایکن ، باغله گنی ایپی یؤق ایکن . ایپ سوره ب قؤشیسینی اوییگه چیقیبدی . قؤشنیسی بیردانشمند آدم ایکن . - قوشنی ایپیم یؤق ایدی ، ایپ بیرسنگیز دیب کیلدیم دیبدی . - قؤشنیسی مینده اپب یؤق لیکن بیرمصلحت بار دیبدی . - مصلحتنی نیمه قیله من ؟ ایپ بؤلمسه ! ایشکیم قاچیب کیته دی دیبدی . _ یؤق سینگه فقط بیرمصلحت بیره من ایشکینگ قاچیب کیتمه ی دی دیبدی .- نیمه مصلحت ؟ - سین بارگینده ایشکینگنی بویینیگه ، خودی ایپ باغلگندیک قوللرینگ بیلن حرکت لرقیلیب اوایپلرنی قازیققه هم گویاکه ، باغلگندیک قیلیب قویگین ایشکینگ هیچ ییرگه کیتمه ی دی دیبدی . _ ای ! شوایش بؤلدی دیب ، باشقه چاره تاپمه ی وچاره سی هم یؤق باریب ایشکنی یؤق ایپ بیلن باغلب اوایپنی یؤق قازیققه هم باغلب قوییبدی گویاکه حقیقی ایپ بیلن باغله گندیک.- ایرته لب قره سه ایشکی توریبدی ، او ماشا الله دیبدی . _ کیین بؤلسه ایشککه مینیب ایشگه کیته من دیسه ایشک یورمس ایمیش ، انچه حرکت قیلسه هم ایشک یورمبدی . _ سؤنگ قوشنیسینی آلدیگه باریبدی . _ قوشنی بوایشک یورمه یاتگن بؤلیبدی ، نیمه بؤلیب قالدی دیبدی . _ قوشنیسی : ایپنی ییچدینگمی ؟ دیبدی . _ قیسی ایپدی ؟ دیبدی . _ کیچه گی باغلب قویگن ایپینگنی دیبدی . _ کیچه ایپ یؤق ایدی - یو دیبدی . _ هه سینی اوچون ایپ یؤق-او ، او ایشک اوچون بار -او ایپ ، سین او ایشکنی ایپنی ییچمه سنگ یورمه ی او دیبدی . _ باریب حقیقتا هم یؤق ایپنی ییچیب اوستیگه مینیب ایخ دیگن ایکن ، ایشک یوریب کیتیب قالیبدی . خفه بؤلمه سک بیزلر هم شونقه میز . بیزلرنی هم اهالیمیزنینگ احوالی اوشه ایشکنی احوالیدن سهل فرق ایتسه ایته دی بؤلمه سه یؤق .نیگه !؟ _ چونکه ، باله لیک یاشلیک دورلریدن یاق ، کتته کانلرو یاشلریمیزارا سیده یؤق ایپلرده باغلنیب کیله یاتگنلرتله ی ، همه میزدیسک هم ناتؤغری بؤلمه یدی ایپ سیز باغلنگن ایشککه اؤخشب باربؤلیب یشب کیلماقده میز . _ بؤنی قیلمه ، بؤنی گپیرمه ، اونده ی دیمه ، بؤنده ی دیمه ، اونده ی فکرلمه ، بؤنده ی فکرلمه ، اوتؤغری ، بؤناتؤغری البته کتته لریمیزنی هربیرسؤزی کوزاوستیده اؤشه کتته لریمیزهم کیمنیدیر تاثریده توشیب قالگن بؤلسه بوایندی بیزاوچون هم معما ده ! - آته - آنه نینگ وظیفه سی فرزندینی اوزیدن اوزاقراق وتؤغریراق منزللگه آتیش اوزی قیلگن خطالرنی فرزندی هم اوخطالرنی تکرارلمسینی حرکتیده بؤلیشی اوچون امکانیتینی قیلیشی اوچون .اگرده بونده ی قیله آلمسه جمعیت آلدینگه کیته آلمه ی آرته قاله ویره دی . آته-آنه فرزندینی اوزیدن یخشیراق بؤلیشینی حرکتیده بؤلسه جمعیت کیینگی اولاد حاضرگی اولاددن بختلی راق بؤله دی همه جایده هم شونقه . منه کوریب تورگندیک اؤشه ایشکنی احوالی اوز قولیمیزدن بیزاوزیمیز رخصت بیرگنمیزکه ، حیاتده تورلی یؤق ایپلرده یعنی تورلی سیاسی آقیملر ، تورلی شخصلر ، تورلی شخصی منفعتلرووو .. لرده باغلنگمیز .بیزلرنی اوزیمیز ملامت کوریب تورگن نرسه لرنی کورمسلیکده آله میز قول سیلتب کیته میز تیل بار گپیره آله یمیز وهکذا لر. حرمت وادب بیلن عزیز فاریابی 2020/07/11 [ یکشنبه پنجم مرداد ۱۳۹۹ ] [ 7:52 ] [ داکترفاریابی ]
|
درباره وبلاگ  حرمتلی وعزیز دوستلر بو ویبلاگه خوش کیلدینگیز .سیز بو ویبلاگه یازیلگن ادبی فرهنگی تاریخی اجتماعی مضمونلر نی قویگن من .اوقوب وکمچیلیک لرنی تولدیره سیز دیگن امیده من.باشلنیش بیتیده حرمتلی متفکر شاعر ایرکین واحدوف نینگ اوزبیگیم عنوانلی شعرینی قویب شو شعر اساسیده آزگینه بولسه هم تورک اوزبیک تاریخی توغری سیده معلومات لر قیدیریب وب گه تشلب باره یابمن .سیز اولوغ شخصلر گه مقول بولسه دیگن امیده من.داکتر عزیزالله فاریابی AZIZULLAH FARYABI DR.FARYABI@GMAIL.COM DR-FARYABI@HOTMAIL.COM کانادا +1 778 998 3643 SKYPE DR-FARYABI65 | |
| [قالب وبلاگ : تمزها] [Weblog Themes By : themzha.com] | ||