محمد یوسف. «آنه‌ م»
افضل رفیقاو اۉقیگن.
*************************
تاپماق یۉقاتمسدیر، یۉقاتمس تاپماق.
سېن سۉلیب، مېن یشنب تۉلیشیمگه باق.
سېنسیز تاپگنیمدن کۉپراق یۉقاتدیم،
سېن مېنی یوپتدینگ، سېنی ییغلتدیم.
سېن مېنی یره‌ تدینگ، سېنی توگه‌ تدیم.
اویه‌ لمه‌ ی آنه‌ دېب کېلیشیمگه باق!

ساغینچ حقده شعرلر یازدیم اۉزیمچه،
مېندن پېشانه‌ نگده داغلر تیزیمچه.
اۉغیل بۉلمه‌ ی اۉله‌ ی، اتّنگ مینگ اتّنگ،
قیز توغسنگ نېتردی، کۉپراق قیز توغسنگ.
تیرگک بۉلالمدمه بیرته‌ قیزینگچه،
اویه‌ لمه‌ ی شاعرمن دېییشیمگه باق!

جانینگدن ایلنه‌ ی تورگین جانه‌ جان،
یۉل قره‌ ب بۉلدیمی جگر‌گینه نگ قان.
باقمه کۉزلریمگه بې‌مجال، خسته‌،
مېنی تاپگنلریم گُلمی بیر دسته‌.
یۉقاتگنیم... یۉقاتگنیم اېندی سېنمی آنه‌جان،
اۉز اېتیمنی اۉزیم یېییشیمگه باق!

بیلسنگ... بیلسنگ یوره‌ گیمنی بیر الم اېلر،
بویورسنگ قۉلیمدن کېلمه‌ یدی نېلر.
ایت پیچن ییغه‌ یمی، اۉتین یاره‌ یمی،
یېرنی هه‌ یده‌ یینمی، کۉک اغدره‌ یمی؟
ایتدېک آیاغاینگگه سویکه‌ لگیم کېلر،
اوچیب-اوچیب منه‌ قۉنیشیمگه باق!

هېچ نرسه‌ کېره‌ کمس باله‌ م هېچ دېیسن،
اېندی کېچ دېیسنده، اېندی کېچ دېیسن.
یوزیمنی باسه‌ من موزدېک یوزینگگه،
آنه‌ جان زار قیلیب کېتمه ایزینگگه.
اۉلیم آلدیده هم غمیمنی یېیسن،
مېنچی جیم تقدیرگه کۉنیشیمگه باق!
***
شعریم بیتدی خیر دۉستلر خوش قالینگ،
بېدیل یشه مککه اۉرگنمنگ مېندېک.
بارینگ والده‌ نگیز کۉنگلینی آلینگ،
اېرته‌گه کېچ قالیب اۉرته‌ نمنگ مېندېک.

https://www.facebook.com/m.mismi.sheyhiddinova/videos/342698903000768/