اۉزبېک دېگنده خَیالیمیزگه قنده‌ی انسان کېله‌ دی؟ 
هر بیریمیز شو سوالگه خالص جواب بېریب کۉره‌ یلیکچی؟
محنتکش، فرزندسېور، مهمان‌دۉست، مسلمان(لېکن دینینی فقط نماز اۉقیش و رۉزه‌ توتیشدن عبارت دېب بیله‌ دیگن)،تاپگنینی فقط اوییگه و تۉیگه صرفله‌ یدیگن ، قۉرقاق، پاره‌ خۉر(یا آله‌ دی، یا بېره‌ دی)، بیر- بیرینی کۉرالمه‌ یدیگن، علمسیز، جمعیت منفعتی بیلن اۉز منفعتی قۉییلگنده هېچ قنده‌ی ایکّیلنیشسیز اۉزینیکینی تنله‌ یدیگن و هکذا.
بو رۉیخطنی هر کیم اۉزی اوچون دوام اېتتیریشی ممکن، لېکن اۉیلشیمچه بیر-بیریدن اونچه‌ لیک فرق قیلمه‌ یدی. اېندی ایتینگچی ، شو اۉزبېکدن سیز نیمه نی کوتیه‌ پسیز؟!
اصلاحات قیله‌ من دېب حرکت قیله‌ یاتگن باش حاکم هم اۉزبېک، سۉز اېرکینلیگیدن، دین اېرکینلیگیدن قۉرگه‌ دیگن ، خادیملری هم اۉزبېک ، عملیدن فایده‌ لنیب خلق نینگ پولینی یېب یوباره‌ دیگن حاکملرو برچه‌ عملدارلر هم اؤزبېک، مسلمانلرنی حمایه‌ قیلیب گپیریشدن قۉرقه‌ دیگن اماملر هم اۉزبېک ، اونیوېرستیتېتده پاره‌ آله‌ دیگه دامله هم ، اونی بېره‌ دیگن طلبه‌ هم اۉزبېک ، روسسيه‌ ده ییللب ایشلب تاپگنینی یا اوییگه یا تۉییگه صرفلب ینه‌ قَیتیب کېته‌ دیگن هم اۉزبېک... اونوتمه‌ یلیک، دېموکراسینی بیزگه امریکالیکلر آلیب کیرمه‌ یدی، قانونگه رعایه‌ قیلیشنی آلمانلر کېلیب اۉرگه‌ تیشمه‌ یدی، پولیمیزنی فقط اوییمیزگه‌ یو تۉییمیزگه اېمس علمگه هم صرفلش کېره‌ کلیگینی جاپانلیکلر بیزگه ایتیشمه‌ یدی. همه‌ سینی اۉزیمیز قیلیشیمیز کېره‌ک. بیز، اۉزبېکلر!
(اؤزبیکستانلیک بیکزاد یولداشوا فیسبوک دیواریدن ).
________________________________________
ایسلتمه: افغانستانلیک اؤزبیک دیگنده خیالیمیزگه قنده ی انسان کیله دی؟ 
بیزلرهم بیر خالصانه جواب بیریشیمیزکیره کلی دیب اؤیله ی من.